Budiño é unha das figuras fundamentais da música galega contemporánea, un creador que fixo da gaita un instrumento universal, capaz de dialogar coa tradición e coa vangarda sen perder a súa identidade.

Formado na escola de gaitas Semente Nova de Moaña e posteriormente na Universidade Popular de Vigo, Budiño iniciou moi novo un camiño marcado pola curiosidade e pola experimentación. Máis adiante entra en contacto co Laboratorio de Creatividade Musical de Jazz en Vigo, onde amplía horizontes e comeza a desenvolver o seu interese pola composición e pola fusión de estilos. A súa traxectoria arrinca no ámbito da música tradicional, pero pronto abre horizontes cara a outras linguaxes, incorporando influencias do jazz, do pop ou da música clásica, nunha busca constante dun son propio.

O seu traballo é recoñecido con numerosos premios, entre eles o Premio da Música da Academia da música española á mellor canción en galego por “Ardora”, varios Premios Opinión ao mellor disco galego ou a distinción como hóspede de honra da cidade de Bos Aires.

Compositor incansable e innovador por convicción, a súa obra nace da raíz galega, mais constrúe un universo sonoro contemporáneo e aberto ao mundo. Esa capacidade de mesturar tradición e modernidade converteuno nun artista singular, admirado tanto polo público como pola crítica especializada.

DISCOGRAFÍA

O debut en solitario chegou en 1997 con Paralaia, un disco que marcou un punto de inflexión na música galega e que foi recoñecido internacionalmente. A partir de aí, a súa traxectoria discográfica consolidouse como unha das máis sólidas do panorama galego:

• Paralaia (1997)

• Arredor (2000)

• Zume de Terra (2004)

• Home (2007)

• Volta (2010)

• Sotaque (2013)

• Fulgor (2019)

• Branca Vela (2023)

BUDIÑO, O ARQUITECTO DO SON

Máis alá da súa condición de gaiteiro e compositor, Budiño consolidouse ao longo das últimas décadas como un dos produtores musicais máis singulares da escena galega. A súa traxectoria neste ámbito revela unha visión sonora coherente, na que tradición e modernidade dialogan cunha identidade propia perfectamente recoñecible.

Mais o seu labor como produtor non se limita á súa obra. Ao longo da súa carreira, Budiño colaborou con numerosos artistas e formacións, exercendo como creador de atmosferas e facilitador de encontros musicais. A súa capacidade para integrar músicos de procedencias diversas —dende a escena folk europea ata o ámbito do jazz ou da canción de autor— converteuno nun referente á hora de abordar proxectos híbridos e transversais.

Neste sentido, o seu estudo “Ardora” funciona non só como espazo de gravación, senón tamén como laboratorio creativo, onde se experimenta coa tradición galega dende unha perspectiva contemporánea.

BUDIÑO INTERNACIONAL

A dimensión internacional é unha das claves da carreira de Budiño. A súa música percorreu medio planeta, levando a gaita galega a escenarios de todo o mundo.

Actuou en espazos de prestixio como o Royal Concert Hall de Glasgow, o Wales Millennium Centre de Cardiff, o Coliseu do Porto ou o Auditorio da Unesco en Beirut, entre moitos outros.

A súa traxectoria escénica abrangue países de Europa, América, Asia e África, con concertos en China, Dinamarca, Noruega, Portugal, Líbano, Xordania, Siria, México, Arxentina, Colombia, Marrocos, Cabo Verde ou Canadá.

Viaxeiro convencido e creador inconformista, Budiño representa unha maneira de entender a música galega sen fronteiras: ancorada na tradición, pero sempre en movemento. Dende Galicia ao mundo, a súa traxectoria é a dun artista que fixo da identidade un punto de partida e da innovación, o seu destino.

Budiño é un dos grandes expoñentes da música galega. Músico galego de orixe e universal polo seu destino, viaxeiro convencido, creador incansable, innovador por convicción, soñador de melodías imposibles. BUDIÑO é un artista atípico: é difícil atopar a alguén que esperte tanta admiración entre os seus. Inspírase nos pequenos sabores da música de raíz, pero sempre coa intención de crear unha música con estilo propio.

A súa constante innovación, mesturando os sons da música tradicional galega máis popular coa electrónica máis vangardista, levou ao músico e compositor a tocar en máis de 25 países:

Auditorio do Conservatorio de Shanghai  China

T.Paseo La Plaza de Bos Aires  Arxentina

Circus Theater de Copenague  Dinamarca

Wales Millenium Center de Cardiff  U.K.

Auditorio da Unesco de Beirut  Líbano

Centro Cultura Real de Amán  Xordania

Teatro da Ópera de Damasco  Siria

Royal Concert Hall Glasgow  Escocia

Teatro Mayor de Bogotá  Colombia

Festival 7 sòis 7 luas  Cabo Verde

Cinema Rif de Tánger  Marrocos

Victoria Park-Ontario  Canadá

Praza do Zócalo  México

LAMC New York  EEUU

PREMIOS

1998 Paralaia, entre os 10 mellores discos do ano para a revista Londinense FolkRoots.

1999 Premio de la Música en España - Mejor Canción en Galego: Ardora (Paralaia).

2001 Premio Luar da TVG - Mellor disco do ano en Galicia: Arredor
2005 Premio Opinión - Mellor disco Galego do ano: Zume de Terra
2005 Premio Maketón Estrella Galicia - Traxectoria Musical
2008 Premio Opinión - Mellor disco Galego do ano: Home 2011
2008 – Volta, entre os 10 mellores discos do ano para a revista Londinense Folk Roots.

2012 Huésped de Honor de la ciudad de Bos Aires (Arxentina)

2014 XIII Premios Opinión - Mellor disco do ano: SOTAQUE
2014 XIII Premios Opinión - Mellor canción orixinal Déixame adiviñar (Sotaque)
2014 “SOTAQUE” entre os 10 mellores discos do ano - revista World Music Central de EEUU
2016 Vieira de Honra á calidade artística entregada pola Enxebre Orde da Vieira de Madrid

2019 "Premio Alecrín no Eido da Música" ao disco Fulgor